"Sakit müharibə" gedir: İki nəhəng şirkət arasında

"Apple" şirkəti "Google" proqramlarını öz ekosistemindən silmək üçün göstərdiyi xidmətləri inkişaf etdirmək niyyətindədir.

Publika.az xəbər verir ki, bu barədə “ ArsTechica” nəşri məlumat yayıb.

Nəşrin fikrincə, "Apple" onilliklər ərzində "Google"a rəqibdir, amma dünyanın ən populyar axtarış sisteminin yaradıcısına açıq şəkildə qarşı çıxmır.

Adının açıqlanmasını istəməyən Tim Kukun korporasiyasının əməkdaşlarından biri nəşrə bildirib ki, onun şirkəti rəqibinə qarşı “sakit müharibə” aparır, öz xidmətlərini artırır.

Mənbə bildirib ki, “Apple” "Google" xidmətlərini öz ekosistemindən ayırmaq, onları öz məhsulu ilə əvəz etmək istəyir. Hazırda iPhone istifadəçiləri arasında "Google" axtarış sistemi, Gmail poçtu və xəritəçəkmə xidməti populyar olaraq qalır - "Apple"dan rəqabətqabiliyyətli alternativlər yoxdur.

Mmedia analitiklərinin fikrincə, "Apple" rəqabət yaratmaq üçün xəritələr xidmətini əhəmiyyətli dərəcədə təkmilləşdirə bilər. "BlueConic"in baş direktoru Corey Manchbach bildirib ki, şirkət yüksək səviyyəli məxfiliyə malik axtarış sistemini təqdim edə bilər.

Ayşən