"iPhone"un ömrünü necə uzatmaq olar? - Mütəxəssis MƏSLƏHƏTİ

"Batareyan doldurma səviyyəsini daim 20-80% aralığında saxlasanız, "iPhone"un ömrünü uzada bilərsiniz".

Publika.az xəbər verir ki, bunu "Megafon" xidmətinin rəhbəri Nikita Efimov deyib.

O, həmçinin "iPhone"un optimallaşdırılmış enerji doldurma funksiyasından istifadə etməyi tövsiyə edib, bu funksiyada telefonun sistemi 80%-lik səviyyəyə çatdıqdan sonra prosesi ləngidir.

Onun sözlərinə görə, adətən bu funksiya avtomatik aktivləşdirilir, lakin onu yoxlamaq daha yaxşıdır.

Efimov, telefondan həddindən artıq temperaturda istifadə etməməyi, yalnız orijinal doldurma cihazından istifadə etməyi tövsiyə edib. Çünki saxta cihazlar batareyada olan ionları ləngidir və batareyanın uzunmüddətli tutumuna mənfi təsir göstərir.

Efimov telefonun ekranını günəş altında saxlamamağı və böyük tutumlu funksiyalardan istifadə etməməyi tövsiyə edib.

Onun sözlərinə görə, istehsalçı akkumulyatoru 500 doldurulma dövründən sonra dəyişdirməyi tövsiyə edir, lakin yuxarıda göstərilən tövsiyələrə əməl etsəniz, telefonun ömrünü uzatmaq olar.

Hüseyn İbadlı