60 ildən sonra ilk dəfə - Nokia dəyişir

Finlandiyanın Nokia telekommunikasiya şirkəti 60 ilə yaxındır istifadə etdiyi loqoda dəyişiklik edib.

Publika.az xəbər verir ki, şirkət nümayəndələrinin fikrincə, yeni loqo daha müasir və texnoloji görünür.

Nokia-nın baş direktoru Pekka Lundmark Bloomberg-ə bildirib ki, bir çox insanlar hələ də Nokia-nı cib telefonları ilə əlaqələndirirlər, lakin indi şirkət diqqətini şəbəkələrə (özəl 5G şəbəkələrinin yaradılması və 6G-nin inkişafı daxil olmaqla) və sənaye rəqəmsallaşmasına yönəltməyi planlaşdırır.

Lundmark bildirib ki, bu xarakterli korporativ həllər Nokia-nın keçən il gəlirinin 8%-ni təşkil edib, lakin çox da uzaq olmayan gələcəkdə biznesi “iki rəqəmli rəqəmlərə” yüksəltməyi planlaşdırır.

Lundmark həmçinin qeyd edib ki, şirkət “bu gün B2B texnologiya innovasiyasında lider olaraq kim olduğumuzu əks etdirmək” üçün rebrendinq edir.

Nokia-nın artıq məşğul olmaq istəmədiyi telefon biznesi 2014-cü ildə Microsoft tərəfindən 7 milyard dollara alınıb və 2016-cı ildə Nokia brendi altında telefonlar istehsal edən HMD Global şirkətinə yenidən satılıb.

Şirkətin yeni loqosu NOKIA sözünü təşkil edən 5 müxtəlif formadan ibarətdir.

Ayşən