"YouTube" şərtləri yumşaldır - Söy ki, söyəsən...

"YouTube" keçən ilin sonunda tətbiq edilən və qəzəbə səbəb olan söyüş qaydalarını yumşaldır. Video yaradıcıları indi demonetizasiya riski olmadan söyüşlərdən istifadə edə biləcəklər.

Publika.az xəbər verir ki, 2022-ci ilin noyabrında "YouTube"da yeni siyasət qüvvəyə minib.

Ona görə, ilk 15 saniyədə söyüşdən istifadə edən hər hansı video monetizasiya üçün yararsız hala düşüb: "YouTube" bu cür videolarda reklam yerləşdirməyib və bu qaydaya görə bir çox müəlliflər monetizasiyanı itiriblər.

İndi qaydalar yenidən dəyişib. Bundan sonra məzmun yaradıcıları videonun ilk bir neçə saniyəsində güclü söyüşlərdən istifadə etsələr belə, bu, məhdud reklam üçün uyğundur. Videonun əksəriyyətində söyüşdən istifadə olunmasa, ilk 7 saniyədən sonra orta və ya şiddətli söyüşlərdən ibarət video məzmun monetizasiya üçün uyğun olacaq.

"Noyabr yeniləməsindən sonra, yaradıcılardan monetizasiyanın aradan qaldırılması qərarlarına yenidən baxıla bilər", - "YouTube" bildirib və əlavə edib ki, bəzi yaradıcılar yenidən reklam gəliri əldə edə biləcəklər.

Musiqi treklərində söyüş, fon musiqisində, dəstək treklərində, intro/outro musiqilərində istifadə edilən orta və ya ağır söyüşlərə gəldikdə, indi tam reklam gəliri əldə etmək olar. Halbuki əvvəllər belə məzmun gəlir gətirmirdi.

Bununla belə, reklam gəliri əldə etmək istəyirsinizsə, hələ də video başlıqlarında və miniatürlərində söyüşdən istifadə edə bilməzsiniz.

Ayşən