İlk robot hüquqşünas buna görə məhkəməyə verildi

Dünyanın ilk “robot hüquqşünası” olması nəzərdə tutulan süni intellekt (AI) məhkəməyə verilib. Bildirilir ki, o, hüquqi təhsili və işləmək üçün lisenziyası olmadığı üçün ittiham edilir.

Publika.az xəbər verir ki, bu barədə "Daily Mail" məlumat yayıb.

Bu işdə iddiaçı Amerikanın Edelson hüquq firmasıdır. O, AI proqram şirkəti DoNotPay-i öz xidmətlərini "qanuni təcrübələr kimi maskalamaqda" günahlandırır.

DoNotPay-in mahiyyəti ondan ibarətdir ki, o, müştərilərə öz müdafiə xəttini qurmağa və məhkəmə işlərində, məsələn, iri korporasiyalara qarşı iştirak etməyə kömək edən chatbot təklif edir. Bunun üçün bot, işlə bağlı bir sıra suallar verir, apellyasiya şikayəti vermənin mümkün olub-olmadığına qərar verir və hətta məhkəməyə müraciət üçün bəyanat da yazır. Bununla belə, Edelson nümayəndələri hesab edirlər ki, servisin yaradıcıları qeyri-qanuni işləyirlər.

“Təəssüf ki, müştəriləri üçün DoNotPay nə robot, nə hüquqşünas, nə də hüquq firmasıdır. DoNotPayt-ın heç bir hüquqi təhsili və lisenziyası yoxdur”, - iddiaçının bəyanatında deyilir.

Ayşən