Elə bir "pul kisəsi" yaradılır ki...

Avropa İttifaqı bütün kağız və plastik sənədlərdən, xüsusilə şəxsiyyət vəsiqəsindən və ya sürücülük vəsiqəsindən imtina etməyə imkan verəcək rəqəmsal pul kisəsi hazırlayır.

Publika.az xəbər verir ki, bunu "Avropa həqiqəti" yazır.

Avropa Parlamentinin deputatları 2020-ci ildən etibarən eiDAS abreviaturası ilə tanınan müvafiq reqlamentin yeni versiyasını müzakirə edirlər.

Aİ əvvəlki rəqəmsal pul kisəsi tətbiqi üzərində işi tamamlayıb. Yenicə sınaqdan keçirilməyə başlayıb.

Rəqəmsal pul kisəsi sürücülük vəsiqələri, balıq ovu icazələri və dərman reseptləri daxil olmaqla bütün icazə və hüquqların sübutlarını saxlaya biləcək. Bundan əlavə, kimə və hansı məlumatı göstərəcəyinizi seçməyə imkan verəcək.

“Məsələn, yol polisi sizi saxlasa, şəxsi kodunuzu və adınızı deməyiniz kifayət edəcək. Lazım olan bütün məlumatlar çıxacaq", - Dövlət İnformasiya Sistemi Departamentinin eksperti Mark Erlix şərh edib.

O, 2025-ci ilin sonuna qədər Aİ ölkələrinin rəqəmsal pul kisəsindən istifadə etməyə başlaması üçün indi heç bir maneənin olmadığını vurğulayıb.

Ayşən