Evdən işləmək bitdi: Ofisə gəlin!

Pandemiya zamanı uzaqdan işləyən şirkətklərdən də biri "Zoom" idi. Şirkət artıq işçilərinə ofisə qayıtmağı tövsiyə edir.

Publika.az CNN-ə istinadən xəbər verir ki, "Zoom" şirkətinin rəsmiləri ofisin yaxınlığında yaşayan işçilərdən həftədə iki gün işə gəlməyi tələb edib.

“Şirkət olaraq biz öz texnologiyalarımızdan istifadə etmək, innovasiyaları davam etdirmək və müştərilərimizi dəstəkləmək üçün daha yaxşı vəziyyətdəyik. İşçilərimizi və dağılmış komandalarımızı bir-birinə bağlı saxlamaq və səmərəli işləmək üçün "Zoom" platformasından istifadə etməyə davam edəcəyik”, - deyə şirkət bildirib.

Son aylarda "Google", "Amazon" və "Salesforce" oxşar siyasətlər tətbiq edərək, əməkdaşlara COVİD dövrünün bitdiyini bildirərək onları işə çağırıblar.

Pandemiyadan sonra "Zoom"-a təlabat azalıb. Şirkət sürətlə böyüdükdən sonra fevral ayında işçilərinin 15%-ni, yəni təxminən 1300 əməkdaşı ixtisar edib. İcraedici rəhbərlik komandasının üzvlərinin də gələn maliyyə ili üçün baza maaşları 20% azaldılıb.

Aysel Şahmar