Ofis işçilərinə şad xəbər: “WhatsApp Web”də...

“WhatsApp Web”də çoxdan gözlənilən funksiya beta versiyada sınaqdan keçirilməyə başlayıb. Bu funksiya ilə istifadəçilər məxfiliklərini maksimum dərəcədə qoruyacaqlar.

Publika.az “Haber Türk”ə istinadən xəbər verir ki, dünyanın ən çox seçilən ani mesajlaşma proqramı olan VatsApp, diqqət çəkən yeni yeniləməyə hazırlaşır. Məlum olub ki, proqramın veb-beta versiyasına yeni təhlükəsizlik sistemi əlavə olunacaq. Bu yenilik sayəsində iş yerlərində çalışan istifadəçilər rahat olacaqlar.
Bu versiyada 2.2333.11 kodu ilə aşkar edilən yeni funksiya tətbiqə ekran kilidi gətirir. Funksiya ilə VatsApp ekranını açarkən parol tələb olunacaq. Şifrə düzgün daxil edilmədikdə ekran açılmayacaq.
Bu funksiya hazırda yalnız bəzi beta istifadəçiləri üçün sınaqdan keçirilir. Bütün istifadəçilər üçün açıldıqda, funksiya "Məxfilik" parametrləri bölməsində aktivləşdirilə bilər. İstifadəçilər “Məxfilik” parametrlərindən “Ekran kilidi” parametrlərini seçərək funksiyadan istifadə edə bilərlər. Seçim aktivləşdirildikdə, parol tələb olunacaq.
Aysel Şahmar