Çin hakimiyyətindən ŞOK GEDİŞ: "Apple"in səhmləri ÇÖKDÜ

"Apple" səhmləri 3,6% ucuzlaşaraq 182,9 dollara düşüb.

Publika.az xəbər verir ki, bu barədə Bloomberg məlumat yayıb.

Qeyd edilib ki, bu KİV-in Çin hakimiyyətinin dövlət işçilərinə "iPhone"dan istifadəni qadağan etdiyi barədə xəbərlər tirajlamasından sonra baş verib.

Qiymətli kağızların dəyərində 7 sentyabr 2023-cü ildə qeydə alınan eniş avqust ayından bəri ən güclü eniş olub.

Qəzet qeyd edib ki, ilin əvvəlindən "Apple" səhmləri 46% artıb.

"Apple" səhmləri Çində baş verən hadisələrlə güclü şəkildə bağlıdır, çünki bu bazar korporasiya üçün ən yüksək prioritetdir.

"Bloomberg"in məlumatına görə, "iPhone" müntəzəm olaraq həm özəl istifadəçilər, həm də Çində dövlət qulluqçuları arasında ən çox yayılmış smartfonların reytinqlərinə daxil edilir.

Jurnalistlər hesab edirlər ki, Çində dövlət təşkilatlarında "iPhone"dan istifadəyə qoyulan qadağanı gözlənilməz adlandırmaq olmaz. Bu ölkənin məxfi xidmətləri uzun müddətdir ki, öz əməkdaşlarının xarici texnologiyadan istifadə etməsinə mane olublar. Bundan əlavə, Pekin artıq bir neçə ildir ki, Çində Amerika texnologiyasından asılılığı azaltmaq üçün kampaniyaya başlayıb.

Artıq sentyabrın 12-də "Apple" yeni "iPhone", "Apple Watch" və "AirPods"u nümayiş etdirəcək və illik payız təqdimatını keçirəcək.

Hüseyn İbadlı