İKT

Mask məhkəməyə verildi - "X"ya görə

3 Oktyabr 2023 16:33

Tviterin adının "X" olaraq dəyişdirilməsindən sonra İlon Mask başqa bir ABŞ şirkəti tərəfindən məhkəməyə verilib.

Publika.az xəbər verir ki, “X” (keçmiş tviter) sosial media şirkətinin rəhbəri İlon Mask ABŞ-ın başqa bir şirkəti tərəfindən onun adından yazılan bir məktubla məhkəməyə verilib. "X Social Media" adlı şirkət Florida federal məhkəməsində Maskın iyul ayında tviterin adını dəyişməsinin onun ticarət nişanı hüquqlarını pozduğunu iddia edib.

Reklam agentliyi 2016-cı ildən bəri “X Social Media” adından istifadə edir və Feysbuk reklamlarına 400 milyon dollardan çox sərmayə qoyub. Tviterin müştəriləri çaşdıran ad dəyişməsi gəlir itkisi ilə nəticələnib.

"X Social Media" Maskın addan istifadəsinə qadağa qoyulmasını və təzminat tələb edir.

"X" və ya "X Social Media"dan heç bir açıqlama verilməyib.

Maskın şirkəti yüzlərlə ticarət markası adında görünən "X" hərfi ilə bağlı çoxsaylı ticarət nişanı mübahisələri ilə üzləşə bilər.

Nəzrin