Ölən həyat yoldaşı yenidən səsləndi

Anasına Milad bayramı üçün xüsusi hədiyyə etmək istəyən Filip Uilett adlı gənc süni intellektin köməyi ilə mərhum atasının səsini canlandırıb. Fotolarla klip hazırlayan Uilett anasının hədiyyəni açdığı anı TikTok-da paylaşıb. Emosional anlar yaşayan ananın videosu milyonlarla izlənilib.

Publika.az xəbər verir ki, ABŞ-ın Missuri ştatında sosial media məzmun istehsalçısı Filip Uillett anasına Milad hədiyyəsi vermək üçün mərhum atasının səsini canlandırmaq üçün süni intellektdən istifadə edib. Uilett süni intellektlə yaradılan səsli mesajdan əlavə, anası Trish və atası Conun fotolarından klip yaradıb və onları videoda birləşdirib.

Anasının hədiyyəni açdığı anı TikTok-da paylaşan Uilett anası ilə duyğulu anlar yaşayıb. Onun “qəhrəman” kimi təsvir etdiyi atası 2022-ci ildə mədəaltı vəzi xərçəngindən vəfat edib. Gənc sosial media hesabındakı paylaşımında “Bu il Milad bayramında anam üçün xüsusi bir şey etmək qərarına gəldim. Süni intellekt proqramından istifadə edərək atamın səsinə uyğun video hazırladım”.

Aysel Şahmar