Azərbaycanda 13 000 vətəndaşın kart məlumatları ələ keçirilib
Bizi izləyin
Aptekonline

İKT

Azərbaycanda 13 000 vətəndaşın kart məlumatları ələ keçirilib

Azərbaycanda 13 000 vətəndaşın kart məlumatları ələ keçirilib

Son iki ay ərzində Elektron Təhlükəsizlik Xidməti (ETX) tərəfindən kiberdələduzların ələ keçirdiyi 13 000-ə yaxın vətəndaşa məxsus müxtəlif bankların kart məlumatlarının bazası aşkarlanıb.

Bu barədə Publika.az-a Rəqəmsal İnkişaf və Nəqliyyat Nazirliyindən (RİNN) bildirilib.

Qeyd edilib ki, əldə olunmuş məlumatlar zərərçəkmiş vətəndaşların məlumatlandırılması məqsədilə aidiyyəti üzrə təqdim olunacaq.

ETX vətəndaşlardan bu cür hallara qarşı diqqətli olmağı və hər hansı qurumun həyata keçirdiyi kampaniyalarla bağlı məlumatlarla qarşılaşdıqda ilk növbədə həmin qurumla əlaqə saxlamağı və yaxud qurumun rəsmi veb-saytına daxil olaraq dəqiqləşdirməyi tövsiyə edir.

Həmçinin bu hallarla qarşılaşan vətəndaşlardan “1654” qaynar xətti və ya [email protected] e-poçt ünvanı vasitəsilə Elektron Təhlükəsizlik Xidmətinə məlumat vermələri xahiş olunur.

Oxumağa davam et
Reklam
Reklam

Gündəm

Aptekonline