Bezosun kosmik stansiyası dörd kritik mərhələdən keçdi: Görün nələr edirlər

Jeff Bezosun kosmos şirkəti “Blue Origin” və “Sierra Space” arasında birgə müəssisə olan “Orbital Reef” dörd kritik mərhələni keçib.

Publika.az xarici mətbuata istinadla xəbər verir ki, “Orbital Reef” gələcək astronavtların və turistlərin sidiyini təkrar emal edəcək sistem də daxil olmaqla, bəzi ən mühüm texnologiyaları üçün dörd əsas kritik sınaqdan keçib.

NASA-nın Kommersiya Aşağı Yer Orbitinin İnkişaf Proqramının meneceri Angela Hart "Bu mərhələlər kommersiya məkanının insan həyatını dəstəkləyə bilməsini təmin etmək üçün çox vacibdir" deyib.

“Orbital Reef” bir sıra testlərdən keçib. Bu sistem insanların nəfəs alması üçün hava və kosmos stansiyasında içmək üçün təmiz su təmin edəcək. NASA-nın verdiyi məlumata görə, sınaqlardan bəziləri sistemin havadakı çirkləri təmizləmək, təkrar emal üçün sidiyi bərpa etmək və su anbarını saxlamaq qabiliyyətini əhatə edib. ISS-də NASA-nın "normal insan fəaliyyəti" (əsasən nəfəs alma, tərləmə) adlandırdığı su və oksigeni təkrar emal edən oxşar sistem var.

Aysel