Bu ölkə İlon Maskla bağlı araşdırma başlatdı

Milyarder iş adamı İlon Mask barəsində Braziliyada istintaq başladılıb.

Publika.az xarici mediaya istinadla xəbər verir ki, şənbə günü axşam saatlarında Mask “X” sosial şəbəkəsindəki paylaşımında hakim Aleşandre de Moraesi Braziliya Konstitusiyasına və xalqına xəyanət etməkdə ittiham edib.

“Bu hakim böyük cərimələr tətbiq edib, əməkdaşlarımızı həbs etməklə hədələyib və Braziliyada “X” platformasına çıxışı bağlayıb. Nəticədə, çox güman ki, Braziliyada bütün gəlirləri itirəcəyik və ofisimizi bağlamağa məcbur olacağıq. Lakin prinsiplər gəlirdən vacibdir”, - deyə paylaşımda qeyd olunub.

Milyarder mümkün olan yerdə “X” hesablarının bloklanması haqqında əmrə hüquqi şəkildə etiraz etməyi vəd edib.

Buna cavab olaraq, Moraes Mask ilə bağlı istintaqa başlamaq əmri verib.

“X” artıq istənilən çıxarılmış məhkəmə qərarına tabe olmamaqdan, o cümlədən Ali Məhkəmə tərəfindən bloklanmış profilin təkrar aktivləşdirilməsindən çəkinməlidir”, - hakim deyib.

Qeyd edək ki, məhkəmənin qətnaməsi sosial şəbəkəyə hansı hesabların bloklandığı haqqında məlumatı dərc etməyi qadağan edir və tələblərin yerinə yetirilməməsinə görə gündə təxminən 16 min funt sterlinq miqdarında cərimə nəzərdə tutur (təxminən 20 200 ABŞ dolları).