Xəbərdarlıq: Şəxsi məlumatlarınızı qoruyun

Mütəxəssislər qeyd ediblər ki, vətəndaşlar şəxsi məlumatlarının qorunmasında daha diqqətli olmalıdırlar. Mərmərə Universiteti Ünsiyyət Fakültəsi Radio Televiziya və Kino bölməsinin müdiri Prof. Dr. Əli Murat Kırık bu barədə xəbərdarlıq edib.

Publika.az xəbər verir ki, professorun sözlərinə görə, veb saytlarda qeydiyyatdan keçərkən və ya tətbiqləri endirərkən məlumat paylaşımı məhdudlaşdırılmalı və məxfilik siyasəti oxunmalıdır. Təhlükəsiz internet istifadəsi üçün aktual proqramlardan istifadə edilməli və şübhəli məzmunlara qarşı diqqətli olunmalıdır.

Kırık fotoşəkillərə, kontaktlara və digər həssas məlumatlara daxil olmaq üçün icazə tələb edən tətbiqlərin istifadəçiləri müxtəlif risklərə məruz qoyduğunu ifadə edib. O, giriş sorğularının diqqətlə araşdırılması lazım olduğu barədə də xəbərdarlıq edib:

"Sosial mühəndislik hücumları, təcavüzkarların aldatma və ya manipulyasiya yolu ilə istifadəçiləri şəxsi məlumatları açıqlamağa inandırdığı bir üsuldur. Bu risklərlə mübarizə aparmaq üçün istifadəçilər məlumatlılıqlarını artırmalı, güclü parollardan istifadə etməli, çoxfaktorlu autentifikasiyadan istifadə etməli, proqram təminatını ən müasir vəziyyətdə saxlamalıdırlar”.

Roza