İKT

Bu şirkət çip biznesindən 100 milyon dollar gəlir gözləyir

13 Aprel 2024 17:36

“Samsung Electronics” qabaqcıl çip qablaşdırma biznesindən 100 milyon dollar və ya daha çox satış gözləyir”.

Publika.az xəbər verir ki, bunu “Samsung Electronics”in həmsədr icraçı direktoru Kye-Hyun Kyunq deyib.

O qeyd edib ki, “Samsung”un yaddaş çipi biznesi bu il bazar payından daha böyük gəlir payı əldə etməyi hədəfləyir:

“Samsung”un texnoloji cihazlarda istifadə edilən DRAM çiplərində bazar payı ötən ilin dördüncü rübündə 45,5%-ə çatıb. Buna nail olmaq üçün “Samsung” süni intellektə artan tələbatın tələb etdiyi yüksək səviyyəli yaddaş çiplərində rəqabət üstünlüyü əldə etməyi, o cümlədən HBM3E adlı yüksək ötürmə qabiliyyətinə malik yaddaş (HBM) çiplərinin 12 stekli versiyasının kütləvi istehsalını hədəfləyir.

“Samsung Electronics”in səhmləri 6,04%-ə qədər yüksəlib. “Samsung” tezliklə süni intellektdə istifadə üçün hazırlanacaq digər yaddaş məhsullarından konkret nəticələr gözləyir”.

Aysel Şahmar