ABŞ-da sosial şəbəkəni məhdudlaşdıran qanun: 14 yaşından kiçiklərə qadağa

Sosial medianın asılılıq yaradan xüsusiyyətləri ABŞ-ın Florida ştatında profilaktik qanunun imzalanmasına səbəb olub. 2025-ci ildən etibarən 14 yaşdan kiçik insanlar üçün sosial media qadağan ediləcək.

Publika.az xəbər verir ki, Amerikanın Florida ştatında 14 yaşından kiçik uşaqların 2025-ci il yanvarın 1-dən etibarən sosial media platformalarında hesab yarada bilməyəcəyini nəzərdə tutan yeni qanuna əsasən, platformalar azyaşlı uşaqların hesablarını silməli olacaq.

Əslində Florida ABŞ-da sosial mediaya məhdudiyyətlər qoymaq istəyən yeganə ştat deyil. Yuta, Arkanzas, Ohayo və Kaliforniyada da oxşar tədbirlər üçün araşdırmalar var. Bununla belə, Floridanın yeni qanunu indiyədək ən məhdudlaşdırıcı qərar kimi seçilir. Bundan əlavə, bu qərarın qanunvericiliklə qəbul edilməsi təhlükənin miqyasına diqqət çəkir.

Saysız-hesabsız vədlərlə bütün yaş qruplarını özünə cəlb edən sosial media kanallarının təsirlərinin nə qədər güclü olduğu, gün keçdikcə daha aydın görünür. Platformalar zərərli məqsədlər üçün qurulmasa da, uşaqlar həmin platformalardan mənfi istiqamətdə istifadə edirlər.

Aysel Şahmar