“WhatsApp”dan iki MÖHTƏŞƏM YENİLİK - FOTO

“WhatsApp” tərtibatçıları “İcmalar” daxilində qarşılıqlı əlaqəni asanlaşdıran iki yeni funksiya təqdim ediblər.

Publika.az xəbər verir ki, bu barədə şirkətin bloqunda deyilir.

Birinci yenilik “İcma” üzvlərinə tədbirləri birbaşa tətbiqdə elan etməyə, yaratmağa və onları idarə etməyə imkan verən inteqrasiya olunmuş tədbir planlaşdırma vasitəsidir. İndi “İcmanın” hər bir üzvünün tədbirə başlamaq imkanı var, digər üzvləri isə iştirak etməyi seçə bilər.

Qarşıdan gələn tədbirlər haqqında məlumat qrupun səhifəsində mövcud olacaq və tədbirin tarixi yaxınlaşdıqca avtomatik olaraq xatırlatmalar göndəriləcək. Tədbirin idarə edilməsi funksiyası hazırda “İcmaları” olan qruplar üçün mövcuddur və yaxın gələcəkdə bütün qrup çatları üçün əlçatan olacaq.

Tərtibatçılar həmçinin “İcmalarda” administratorların mesajlarına cavablar silsiləsi tətbiq ediblər. Cavablar elə təşkil ediləcək ki, çatda qarışıqlıq minimuma endirilsin. Üstəlik, bu cür cavablar haqqında bildirişlər əvvəlcədən deaktiv edilir, bu da spamın qarşısını alır.