"WhatsApp"dan MÖHTƏŞƏM YENİLİK GƏLİR: kimsə xəbəriniz olmadan...

"iPhone" üçün "WhatsApp"ın beta versiyasında başqalarının profil fotolarının skrinşotunu çəkməyi qadağan edən qeyri-adi funksiya aşkarlanıb.

Publika.az xəbər verir ki, bu barədə "WABetaInfo" portalı məlumat yayıb .

Bildirilib ki, yenilik əvvəllər "Android" tətbiqi üçün sınaqdan keçirilib. İndi bu funksiya "WhatsApp"ın "iOS" üçün beta versiyasında 24.10.10.70 nömrəsi ilə aktivləşdirilib ki, bu da "TestFlight" xidmətində mövcuddur.

İstifadəçi başqasının profil şəklinin skrinşotunu çəkməyə çalışdıqda, "WhatsApp" istifadəçinin məxfiliyini qoruduğu üçün mümkün olmadığı barədə xəbərdarlıq görəcək.

“WhatsApp” tərtibatçılarının düşündüyü kimi, bu funksiya istifadəçilərə sahibinin xəbəri olmadan başqalarının profillərinin fotoşəkillərini saxlamağı qadağan etməklə əlavə qorunma səviyyəsini təmin edəcək.

Bununla belə, tamamilə zərurət yaranarsa, istifadəçilər başqa cihazdan telefonun ekranında açılan şəkli çəkə biləcəklər.

Yeniliyin “WhatsApp”ın “Android” və “iOS” sistemlərində stabil versiyalarının istifadəçiləri üçün nə vaxt işləyəcəyi açıqlanmır. Hazırda ekran görüntüsünün bloklanması funksiyası inkişaf mərhələsindədir.

Hüseyn İbadlı