Fiziki əməyə son: Süni intellektə malik ilk traktor təqdim edildi

Rusiyanın “Cognitive Pilot” şirkəti süni intellektlə idarə olunan və kabinsiz dünyanın ilk avtonom mini traktorunu təqdim edib.

Publika.az "RİA Novosti"yə istinadla xəbər verir ki, bu barədə şirkətin mətbuat xidməti məlumat verib.

“Kənd təsərrüfatı nəqliyyatı üçün avtonom idarəetmə sistemlərinin aparıcı tərtibatçısı "Cognitive Pilot", süni intellekt tərəfindən idarə olunan və dünyada analoqu olmayan Rusiyanın ilk tam avtonom, kabinsiz mini traktorunu təqdim edir. Tomskda robot məmulatlarının istehsalı üçün "Cognitive Pilot" fabrikində layihələndirilib və istehsal edilib”, - deyə şirkətin açıqlamasında bildirilir.

"Cognitive Pilot"un tərtibatçıları 2025-ci ildə süni intellektə malik mini traktorların kütləvi istehsalına başlamağı planlaşdırırlar. Belə traktorlar becərmə, şumlama, səpin, dərmanlama və s. kimi müxtəlif kənd təsərrüfatı əməliyyatlarını yüksək dəqiqliklə yerinə yetirə biləcək.

Robot işin keyfiyyətinə və avadanlıqların vəziyyətinə nəzarət etməyə imkan verən sensorlarla təchiz edilib. Torpağın fiziki və kimyəvi parametrlərini izləmək üçün bir bölmə gübrə tələb olunan sahələri müəyyən etməyə imkan verir.

Tərtibatçılar vurğulayırlar ki, belə robotlar ağır fiziki əməyi əvəz edəcək və mexanizm operatorlarının çatışmazlığı problemlərinin öhdəsindən gələcək.

Süni intellektə malik mini traktorlar təsərrüfatların texniki zəifliyini azaldır və insanlardan asılı olmayan yüksək keyfiyyətli kənd təsərrüfatı əməliyyatlarını təmin edir.

Adəm