İKT

İlon Mask "X"də YENİLİK ETDİ - Bəzi istifadəçilər narazıdır

13 İyun 2024 23:00

"X" sosial şəbəkəsi (əvvəllər "Twitter" kimi tanınırdı) üçüncü tərəf istifadəçilərindən tarixi gizlədən yeni funksiya təqdim edib.

Publika.az xəbər verir ki, bu barədə "NBC News" məlumat yayıb.

İyunun 13-dən etibarən yalnız hesab sahibi paylaşımları kimin bəyəndiyini görə biləcək. Bu funksiya əvvəllər "Premium" abunəçiləri üçün əlçatan idi, lakin indi hər kəs üçün məcburidir.

"X" sosial şəbəkəsi bu yeniliyi istifadəçilərin şəxsi məlumatlarının qorunması zərurəti ilə izah edir. Şirkət nümayəndələri iddia edirlər ki, bu xüsusiyyət sayəsində insanlar bəyənərkən daha az risk edəcək və hücumlardan qaça biləcəklər.

Bir çox istifadəçi yeniləmədən narazıdır.

"X"in sahibi İlon Maskın paylaşımında şərhlərdə bəzi istifadəçilər bu addımla razılaşmadıqlarını bildirib və yeniliyin istəyə bağlı olmasını təklif ediblər. Bəzi istifadəçilər Maska botların silinməsi kimi daha vacib yeniləmələrə diqqət yetirməyi də tövsiyə ediblər.

Hüseyn İbadlı