"YouTub"dan SEVİNDİRİCİ XƏBƏR: yeni funksiya ilə abunəçilərin sayını artırmaq olacaq

"Google" şirkəti "YouTube" üçün "Hype" funksiyasının sınaq versiyasını istifadəyə verib və bu, kiçik kanalların müəllifləri üçün abunəçilərin sayını artırmaq məqsədi daşıyır.

Publika.az xəbər verir ki, bu barədə "9to5Google" portalı məlumat yayıb.

Yenilik 500 minə qədər abunəçisi olan kiçik kanalların izləyiciləri üçün əlçatandır. "Hype" funksiyası izləyicilərə yeddi gün ərzində yayımlanan videoları təbliğ etməyə imkan verir.

Hazırda “Hype” Braziliya, Türkiyə və Tayvandan olan istifadəçilər üçün əlçatandır. Videonu tanıtmaq üçün nə qədər çox izləyici “Hype” istifadə edirsə, onun məşhur videoların “Navigator” bölməsinə düşmə ehtimalı bir o qədər yüksəkdir. Beləliklə, yenilik videoların təbliğinə kömək edən bəyənmə və şərhlərlə eyni şəkildə işləyir.

Qeyd olunur ki, "YouTube" tərtibatçıları sınaq müddətinin nəticələrinə əsasən istifadəçi rəylərini toplamaq və ola bilsin ki, digər regionlardan daha çox izləyici üçün “Hype” əlavə etməyi planlaşdırırlar.

Eksperimental funksiyanın digər istifadəçilər üçün nə vaxt işləyəcəyi açıqlanmır. "Google"un bu funksiyanı pullu etməyi planlaşdırıb-planlamadığı da məlum deyil.

Hüseyn İbadlı