"ChatGPT" və "OpenAI"nin süni intellekt məlumatları OĞURLANDI

Hakerlər ChatGPT, OpenAI yaradan şirkətdə daxili mesajlaşma sistemlərinə giriş əldə etdilər və süni intellekt texnologiyalarının inkişafı ilə bağlı təfərrüatları oğurlayıblar.

Publika.az xəbər verir ki, bu barədə məlumatlı mənbələrə istinadla "The New York Times" məlumat yayıb.

Söhbət OpenAI əməkdaşlarının ən son texnologiyaların müzakirə olunduğu daxili onlayn forumun sındırılmasından gedir - bu, 2023-cü ildə baş verib. Daha sonra şirkət rəhbərliyi həm işçilərə, həm də şirkətin direktorlar şurasına qarşı kiberhücum barədə məlumat verib, lakin xəbəri ictimaiyyətə yaymamaq qərarına gəlib. Bu addıma səbəb kimi müştərilər və ya tərəfdaşlar haqqında məlumatların oğurlanmaması göstərilib.

Şirkət rəhbərliyi süni intellektin inkişafı ilə bağlı mühüm məlumatların oğurlanmasının milli təhlükəsizliyə təhdid ola biləcəyini də nəzərə almaqdan imtina edir. Qəzet qeyd edir ki, əgər şəxsi haker qrupları OpanAI-nin məlumatlarını oğurlaya bilsəydilər, o zaman Çindəkilər kimi hökumət hakerləri adlananlar da bunu edə bilərdilər.

Hüseyn İbadlı