Alimlər insanabənzər robotlar üçün dəri hazırladılar - FOTO

Yaponiyalı tədqiqatçılar insanabənzər robotlara biomühəndislik üsulu ilə hazırlanmış dəri toxumasını birləşdiriblər. Onlar bu yolla insanabənzər robotların hərəkətliliyini və hiss qabiliyyətini artıran üsul hazırlayıblar.

Publika.az xəbər verir ki, bu texnika dərinin daha yaxşı yapışmasına və robotun mexaniki hissələri ilə hərəkət etməsinə imkan verən xüsusi dəliklərdən ibarətdir.

Bu irəliləyişlər tibbi tədqiqatlara, kosmetik sınaqlara və daha real robotların inkişafına əhəmiyyətli dərəcədə təsir göstərə bilər. Tədqiqata Tokio Universitetinin professoru Şoji Takeuçi rəhbərlik edib.

"İnsan dərisinin və bağlarının quruluşunu təqlid edərək, xüsusi olaraq sərt materiallardan hazırlanmış V formalı dəliklərdən istifadə edərək dərini mürəkkəb strukturlara bağlamaq üçün bir yol tapdıq. Dərinin təbii elastikliyi və güclü yapışma üsulu sayəsində dəri mexaniki komponentlərlə birlikdə yırtılmadan və soyulmadan hərəkət edə bilər”, - deyə Takeuçi bildirib.

Roza Şəfiyeva