İKT

“Twitter” Maskı müflis edib - Görün səhmləri nə qədər ucuzlaşıb

3 Oktyabr 2024 14:49

İlon Maskın 2022-ci ilin oktyabrında 44 milyard dollara satın aldığı, əvvəllər “Twitter” kimi tanınan “X” platforması dəyərinin demək olar ki, 80 faizini itirib.

Publika.az xəbər verir ki, “X” hazırda təxminən 9,4 milyard dollar dəyərindədir.

“Fidelity Blue Chip Growth Fund”un səhm dəyərlərinə dair qiymətləndirmələrinə görə, platformanın səhmləri avqustun sonunda cəmi 4,2 milyon dollar idi.

Bu, iyulun sonundakı dəyərlə müqayisədə 24 faiz, Maskın “Twitter”i satın aldığı zaman isə 79 faiz azalma deməkdir.

Analitiklər “Fidelity”nin azalma proqnozunun platformanın reklam gəlirlərindəki azalmanı əks etdirdiyini düşünürlər. Buna baxmayaraq “X” platforması Maskın rəhbərliyi altında sosial mediada güclü oyunçu olaraq qalır.

Aysel Şahmar