"Telegram" iki sistemdə çökməyə başladı

"Telegram" istifadəçiləri messencerin "Windows" və "macOS" əməliyyat sistemləri üçün iş masası versiyalarında sistem nasazlığı ilə üzləşiblər.

Publika.az xəbər verir ki, problem son yeniləmənin buraxılmasından sonra yaranmağa başlayıb.

Şikayətlərə görə, proqram göndərilən mesajla qarşılıqlı əlaqə yaratmağa cəhd edərkən, xüsusən də sağ kliklədikdə gözlənilmədən bağlanır. Bu, artıq göndərilmiş mətnləri redaktə etməyi və ya silməyi qeyri-mümkün edir.

"Hi-Tech"in yoxlaması bu problemin mövcudluğunu təsdiqlədi, lakin bəzi nüanslarla: "Windows"da problem əsasən qrup çatlarında müşahidə olunur. "macOS"da isə xəta bütün istifadəçilər üçün baş vermir. "Linux" da isə belə hallar müşahidə edilməyib.

Bu, ilk hal deyil: 2023-cü ilin sonunda "Windows 11" istifadəçiləri oxşar xəta barədə məlumat vermişdilər, lakin bu, tez bir zamanda aradan qaldırılıb.

"Telegram" yeniləməsi iyunun 3-də təqdim edilib və istifadəçilərə HD şəkillər göndərmək, səsli mesajları redaktə etmək və birbaşa kanal administratorları ilə əlaqə saxlamaq imkanı verib.

Hüseyn İbadlı