Süni intellekt diaqnostikada həkimləri üstələdi

“Microsoft” şirkəti tibbi diaqnostika üçün nəinki həkimlərə köməklik göstərə, hətta onları əvəz edə bilən süni intellekt sistemi yaradıb və mürəkkəb halların həllində dördqat üstünlük nümayiş etdirib.

Publika.az "Financial Times"a istinadən xəbər verir ki, alət "DeepMind"in həmtəsisçisi Mustafa Süleymanın rəhbərlik etdiyi "Microsoft" süni intellekt bölməsi tərəfindən hazırlanıb və "Microsoft AI Diaqnostik Orchestrator" (MAI-DxO) adlanır.

MAI-DxO, müxtəlif ixtisasların həkimləri kimi fəaliyyət göstərən beş AI agentindən ibarət virtual şura təşkil edərək "məlumat orkestratoru" kimi fəaliyyət göstərir. Bildirilir ki, agentlər qarşılıqlı əlaqədə olur, variantları müzakirə edir və kollektiv şəkildə nəticə çıxarırlar. İmkanları qiymətləndirmək üçün sistem diaqnozun ənənəvi olaraq ekspert səviyyəsini tələb etdiyi "New England Journal of Medicine" jurnalından 304 mürəkkəb klinik hadisə üzərində sınaqdan keçirilib.

Sınaqda alqoritmin məntiqinin şəffaflığını təmin edən yeni “debat zənciri” metodologiyasından istifadə edilib. İş "OpenAI", "Anthropic", "Google", "xAI" və "DeepSeek"in böyük dil modellərinə əsaslanırdı.

Texnologiya hər gün 50 milyona yaxın tibbi sorğunu emal edən "Microsoft" məhsullarına ("Copilot", "Bing") inteqrasiya oluna bilər. M.Süleyman qeyd edib ki, şirkət sürət, dəqiqlik və qənaətcillik baxımından insanlardan əhəmiyyətli dərəcədə üstün olan süni intellekt yaratmağa yaxınlaşır - bu, sıçrayış olacaq.

Paralel olaraq, "DeepMind"in tibbi istiqamətinin keçmiş rəhbəri, hazırda "Microsoft" işçisi olan Dominik Kinq sistemin “səhiyyə üçün yeni portal” ola biləcək görünməmiş səmərəliliyini elan edib. Bununla belə, o qeyd edib ki, texnologiya klinik istifadədən əvvəl təkmilləşdirmə və real həyatda sınaq tələb edir.

Adəm