"WhatsApp"ın cərimə borcu 21 milyonu ötdü

"WhatsApp" messencerinin ödənilməmiş cərimələrə görə 21,7 milyon rubl borcu var.

Publika.az xəbər verir ki, bu barədə TASS məhkəmə sənədlərinə istinadla məlumat yayıb.

2023-cü ilin martından bu ilin aprel ayına qədər messencerə qarşı üç icra icraatı başlanıb. Sənədlər Taqanski rayon məhkəmələrindən alınıb. 3,2 milyon rubldan çox məbləğdə cərimələrdən biri Rusiya Federasiyasının İnzibati Xətalar Məcəlləsinin 13.41-ci maddəsinin 2-ci hissəsinə əsasən (məlumatların silinməməsi) inzibati xətaya görə tətbiq edilib. Xüsusilə, messencer reseptlə satılan dərmanların uzaqdan satışını təklif edən qadağan olunmuş məlumatları silə bilməyib.

Bundan əlavə, messencerin Rusiya Federasiyasının İnzibati Xətalar Məcəlləsinin 13.11-ci maddəsinin 9-cu hissəsində nəzərdə tutulan inzibati xətaya görə 18 milyon rubl borcu var. Bu, fərdi məlumatlar sahəsində qanunvericiliyin pozulması ilə bağlıdır. Bundan əlavə, messencerin 500 min rubl borcu var. Bu cərimənin nə üçün kəsildi açıqlanmayıb.

Hüseyn İbadlı