Bu qulaqlıqlar eşitmə üçün olduqca zərərlidir - XƏBƏRDARLIQ

Qulaqlıqlardan düzgün istifadə olunmadıqda eşitmə qabiliyyətinə ciddi zərər verə bilər.

Publika.az xəbər verir ki, bu barədə “SM-Klinika”nın həkim-endoskopisti Aleksandr Salyuk “Gazeta.ru”ya açıqlamasında bildirib.

O deyib ki, qulaqlıqlar şərti olaraq beş qrupa bölünür: qulaqcıq (in-ear), qulaqdaxili (earbuds), üstə taxılan (on-ear), tam əhatə edən (over-ear) və sümük keçiriciliyi ilə işləyən qulaqlıqlar. Onların hər biri eşitmə orqanına müxtəlif təsir göstərir.

Həkim deyib ki, hər bir tip qulaqlıq düzgün istifadə edilmədikdə və ya keyfiyyətsiz olduqda zərərli ola bilər.

Üstə taxılan və tam əhatə edən qulaqlıqlar — keyfiyyətli səs, rahatlıq və yaxşı səsizolyasiya təmin etsə də, iri ölçülü və istidə narahatdır. Qulaq pərdəsinə birbaşa təsir etmədiyi üçün zərər riski azdır.

Qulaqdaxili (in-ear) qulaqlıqlar — kompakt və rahat olsa da, uzunmüddətli istifadədə narahatlıq yaradır, infeksiya riski artır, yüksək səsdə isə eşitməyə ciddi ziyan vura bilər. Həkim onların ən diqqətli istifadə olunmalı növ olduğunu vurğulayıb.

Qulaqcıqlar (earbuds) — kiçik və mobil olmasına baxmayaraq, zəif səsizolyasiya səbəbindən istifadəçi çox vaxt səsi artırmalı olur. Bu da eşitməyə zərər riskini artırır.

Sümük keçiriciliyi ilə işləyən qulaqlıqlar — ən az zərərli hesab olunur. Səs dalğaları vibrasiya ilə birbaşa daxili qulağa ötürülür, buna görə də eşitməyə təsiri minimaldır, lakin səs keyfiyyəti musiqi üçün ən zəifdir.

Salyukun sözlərinə görə, ən təhlükəli qulaqlıqlar qulaqdaxili (in-ear) modellərdir. Onlardan istifadə edərkən xüsusilə səsin yüksəkliyinə diqqət etmək lazımdır.

Hüseyn İbadlı