ABŞ "TikTok"a ƏL QOYDU

ABŞ Prezidenti Donald Tramp TikTok-un ABŞ-ın nəzarətinə keçməsi ilə bağlı sazişi təsdiqləyib.

Publika.az xəbər verir ki, Trampın “Milli təhlükəsizliyi qoruyarkən "TikTok"u qorumaq” adlı sərəncamı Ağ Evin saytında yerləşdirilib.

"ABŞ-da "TikTok" tətbiqi ABŞ-da yerləşən yeni yaradılmış birgə müəssisə tərəfindən idarə olunacaq", - sənəddə deyilir.

Sərəncama əsasən, "TikTok" artıq ABŞ rəsmiləri tərəfindən idarə olunacaq və sosial şəbəkənin əvvəlki sahibi "ByteDance Ltd." və onun filialları artıq onun səhmlərinin 20%-dən azına sahib olacağından “artıq heç bir xarici rəqib tərəfindən idarə edilməyəcək”.

"Yeni birgə müəssisə yeni direktorlar şurası tərəfindən idarə olunacaq və amerikalıların məlumatlarını və milli təhlükəsizliyimizi adekvat şəkildə qoruyan qaydalara tabe olacaq", - Tramp vurğulayıb.

Xatırladaq ki, Co Bayden ABŞ Prezidenti kimi fəaliyyətinin son günlərində Çinin "TikTok" şirkətini sahibinin amerikalıya satmaqdan imtina etməsi səbəbindən ABŞ-da bloklandığını elan edib. Qərar yanvarın 19-dan qüvvəyə minib.

Hüseyn İbadlı