İkiotaqlı mənzil qiymətinə HƏDİYYƏ - "Telegram Plane" görün neçəyə satıldı

"Telegram" messencerində yeni hədiyyə üçün hərracın birinci raundu başa çatıb.

Publika.az "SHOT" "Telegram" kanalına istinadla xəbər verir ki, "Telegram Plane"nin NFT animasiya şəklinin son qiyməti 18 milyon rubla çatıb.

“Moskvada ikiotaqlı mənzilin qiymətinə hədiyyə indicə "Telegram"da hərracda satılıb”, – yazı müəllifləri bildiriblər.

"Telegram Plane" şəklinin kanadalı sahibkar Ceyson Faloviç tərəfindən alındığ bildirilir.

Bundan əvvəl messencerin təsisçisi Pavel Durov "Telegram"ın hekayələrdə canlı yayımları və hədiyyə vermək imkanlarını sınaqdan keçirməyə başladığını açıqlamışdı. Məşhurların hədiyyələrinin satışına başlamazdan əvvəl platforma eksklüziv rəqəmsal təyyarəni lotereyaya keçirmək qərarına gəlib.

Təsisçinin sözlərinə görə, lotereya 50 raunddan ibarət olacaq və birinci yeri tutan 20 qalibin hər birinə 20 "Telegram Plane" veriləcək. Birinci raund 60 dəqiqə, qalan turlar isə hər biri beş dəqiqə davam edəcək. Hərrac saat 19:35 radələrində başlayıb. İştirak etmək üçün sizə messencerin ən son versiyası lazımdır.

Hüseyn İbadlı