İKT

"Netflix" qiymətləri BAHALAŞDIRACAQ

5 Dekabr 2025 21:25

ABŞ-ın "Netflix" şirkəti "Warner Bros" studiyasını 82,7 milyard dollara satın alıb.

Publika.az xəbər verir ki, razılaşmanın bir hissəsi olaraq "Netflix" həmçinin "HBO Max" platformasını da əldə edəcək. Satınalma prosesinin 2026-cı ilin dördüncü rübündə başa çatması gözlənilir.

Bu xəbərdən sonra "Netflix"in səhmləri 3% artıb.

Qeyd edək ki, "Netflix"in "Warner Bros"u satın almasını tənqid edənlər də çoxdur. Məsələn, demokrat senator Elizabet Uorren bu xəbəri "antiinhisar kabusu" adlandırıb. O, bu barədə "X" sosial media səhifəsində yazıb ki, baş verənlər qiymətlərin artmasına və məhdud məzmun seçiminə səbəb olacaq.

Uorren əlavə edib ki, bu addımla yayım bazarının təxminən yarısına nəzarət edən nəhəng bir media nəhəngi yaranmış olur. Onun sözlərinə görə, bu razılaşma insanların məzmuna baxış tərzinə təsir göstərə, həm də ABŞ işçilərini riskə ata bilər.

Ləman