"TikTok" RAZILIQ VERDİ: ABŞ bölməsi bu tarixdə satılır

"TikTok" ABŞ-dakı əməliyyatlarını bir qrup amerikalı investorlara satmağa razılıq verib.

Publika.az xəbər verir ki, bu barədə "Axios" məlumat yayıb.

Sazişin gələn il yanvarın 22-də bağlanması gözlənilir. Şərtlərə əsasən, "Oracle", "Silver Lake" və "Əbu- Dabidə yerləşən MGX şirkətləri "TikTok"un ABŞ-dakı törəmə şirkətinin 45%-nə birgə sahib olacaqlar. Ana şirkət "ByteDance" daha 20%-ni saxlayacaq və səhmlərin təxminən üçdə biri onunla əlaqəli investorlara veriləcək.

Sentyabr ayında ABŞ Prezidenti Donald Tramp Çin sosial şəbəkəsi olan "TikTok"un ABŞ-dakı nəzarətinin Amerika biznesinə verilməsini təsdiqləyən bir sərəncam imzalayın. Sənəddə ABŞ vətəndaşlarının yeni qurumda əksər pay və nəzarəti ələ alacağı nəzərdə tutulur. "ByteDance" 20%-dən az paya sahib olacaq, qalan mülkiyyət isə müəyyən investorlar arasında bölüşdürüləcək.

Yeni şirkət amerikalıların məlumatlarının qorunmasını və ölkənin təhlükəsizliyini təmin edən qaydalara uyğun olaraq formalaşdırılan direktorlar şurası tərəfindən idarə olunacaq. Yeni qurumun təxmini dəyəri təxminən 14 milyard dollardır.

Hüseyn İbadlı