FTB-dən mobil tətbiqlərin təhlükələri barədə xəbərdarlıq

Federal Təhqiqat Bürosu (FTB) ABŞ-dan kənarda, əsasən Çində hazırlanmış mobil tətbiqlərin yaratdığı potensial təhdidlər barədə rəsmi xəbərdarlıq edib.

Publika.az xəbər verir ki, agentlik 2026-cı ilin əvvəlindən etibarən Amerika bazarında ən gəlirli və yüklənmiş tətbiqlərin çoxunun xarici şirkətlər tərəfindən yaradıldığını xatırladıb.

FTB-nin əsas narahatlığı bu cür xidmətlərin rəqəmsal infrastrukturunun əsasən Çində yerləşməsi və geniş yerli milli təhlükəsizlik qanunlarına tabe olmasıdır. Bu, Çin hökumətinə məxfi istifadəçi məlumatlarına potensial qanuni giriş imkanı verir.

Qeyd edilir ki, standart parametrlərə malik bir çox tətbiq şəxsi məlumatları və əlaqə siyahılarını toplayır, istifadəçi müqavilələri isə bu məlumatların Çində saxlanmasına və emal edilməsinə imkan verir.

Bundan əlavə, mütəxəssislər bəzi tətbiqlərin gizli "zərərli kod" ehtiva edə biləcəyi barədə xəbərdarlıq edirlər.

FTB istifadəçilərə şübhəli mənbələrdən proqramlar quraşdırmamaq, onlara həddindən artıq şəxsi məlumat verməmək, mümkün olduqda tətbiqlərin yerli versiyalarından istifadə etmək və cihaz əməliyyat sistemlərini müntəzəm olaraq yeniləmək , həmçinin parolları dəyişdirmək tövsiyə olunur.

Ləman