"Android" istifadəçilərinə xəbərdarlıq - Məlumatlarınız oğurlana bilər
Bizi izləyin
Zəfaran

İKT

"Android" istifadəçilərinə xəbərdarlıq - Məlumatlarınız oğurlana bilər

"Android" istifadəçilərinə xəbərdarlıq - Məlumatlarınız oğurlana bilər

Rusiya Daxili İşlər Nazirliyinin Kibercinayətkarlıqla Mübarizə İdarəsi "Android" cihazlarını hədəf alan yeni zərərli proqram barədə xəbərdarlıq edib.

Publika.az Rusiya mediasına istinadən xəbər verir ki, “Drama RAT” adlı proqram uzaqdan idarəetmə funksiyası ilə istifadəçilərin şəxsi məlumatlarını oğurlaya, bank tətbiqlərinə müdaxilə edə və hətta telefonu tam bloklaya bilir.

Zərərli tətbiq quraşdırıldıqdan sonra yenilənmə adı ilə əsas casus komponenti arxa planda yükləyir. Daha sonra isə istifadəçidən “Xüsusi İmkanlar Xidməti”nə giriş icazəsi tələb olunur.

Bu icazə verildiyi halda proqram ekranı oxumaq, şifrələri və təsdiq kodlarını ələ keçirmək, həmçinin istifadəçi hərəkətlərini təqlid etmək imkanı qazanır. Son mərhələdə isə cihaz üçün məcburi PIN təyin edilərək telefonun uzaqdan kilidlənməsi mümkün olur.

Qeyd edək ki, mütəxəssislər istifadəçiləri tanımadıqları mənbələrdən tətbiq yükləməməyə və icazələrə diqqətlə yanaşmağa çağırır.

Müəllif: Roza

Oxumağa davam et
Reklam
Reklam

Gündəm

Səba