ABŞ şirkətinin bu qərarı bütün smartfonları bahalaşdıracaq

"Qualcomm" şirkəti müştərilərini smartfonlar, noutbuklar və digər cihazlar üçün nəzərdə tutulan çiplərin qiymətlərinin artacağı barədə xəbərdar edib.

Publika.az xəbər verir ki, bu barədə "The Verge" Bloomberg-ə istinadən məlumat yayıb.

Nəşrin məlumatına görə, "Qualcomm" şirkəti müştərilərə məhsullarının qiymətini "ikirəqəmli faizlə" artırmaq planlarına dair məktub göndərib. Yeni qiymətlər 1 sentyabrdan sonra göndərilən məhsullara şamil ediləcək.

ABŞ şirkəti bu qərarı hazırda da davam edən komponent çatışmazlığı fonunda artan təchizatçı xərclərini kompensasiya etmək imkanlarının tükənməsi ilə izah edib. "Qualcomm" şirkəti həmçinin qiymət artımını elan etməzdən əvvəl alternativ komponent təchizatçıları tapmağa çalışdığını da bildirib.

"Qualcomm"un qərarı əsasən smartfonlar, o cümlədən geniş çeşiddə olan digər cihazların qiymətlərinin artmasına səbəb ola bilər. Şirkətin çipləri yeni qatlanan "Samsung" smartfonları, ağıllı eynəklər və noutbuklar da daxil olmaqla müxtəlif cihazlarda istifadə olunur.

Müəllif: Tural