Smartfonun "güc" düyməsinin gizli funksiyaları - 5 dəfə tez-tez basmaqla...

Smartfondakı "güc" düyməsi bir neçə əlavə funksiyanı yerinə yetirə bilər.

Publika.az xəbər verir ki, bu barədə BGR nəşri məlumat yayıb.

Müəlliflərin sözlərinə görə, qurğunun işə salınması funksiyasından başqa, telefonun "güc" düyməsindən istifadə etməyin bir çox üsulu mövcuddur. İlk növbədə mütəxəssislər bildiriblər ki, uzunmüddətli basma vasitəsilə səs köməkçisi çağırıla bilər.

"Smartfondan modelindən asılı olaraq, bu halda hansı rəqəmsal köməkçinin işə düşəcəyini tənzimləmək mümkündür", – deyə jurnalistlər qeyd ediblər.

Mütəxəssislər "güc" düyməsinin gizli funksiyalarından biri kimi kamera tətbiqinin işə salınmasını göstəriblər. Adətən bir çox "Android" qurğularında kamera iki dəfə basmaqla açılır. Telefonunuzdakı "güc" düyməsindən istifadə etməyin digər rahat üsulu isə aktiv zənglərin başa çatdırılmasıdır.

Bildirilir ki, "güc" düymənin köməyi ilə təcili xidmətlər də çağırıla bilər. Belə ki, "iPhone"da "Emergency SOS" zəngi üçün tənzimləmədən asılı olaraq düyməni tez bir zamanda üç və ya beş dəfə basmaq tələb olunacaq. Bildirilib ki, bir çox smartfonlarda "güc" düyməsinə müxtəlif əlavə seçimlər – fənərin yandırılmasından tutmuş konkret tətbiqin işə salınmasına qədər – təyin etmək mümkündür.

Hüseyn İbadlı