Bakcell Mi-Fi ilə interneti özünlə apar və harada olsan, onlayn qal

Bakcell abunəçilərinə səyahətdə, işdə, evdə və müxtəlif məkanlarda internetdən rahat istifadə etməyə imkan verən portativ Mi-Fi modemini təqdim edir. Kompakt ölçüləri sayəsində rahat daşına bilən modem mobil şəbəkənin əhatə dairəsində internetə qoşulmağa imkan verir.

Publika.az xəbər verir ki, Mi-Fi modemə eyni anda 10-dək smartfon, noutbuk, planşet və digər Wi-Fi dəstəkləyən cihaz qoşmaq mümkündür. 3000 mAh tutumlu batareya isə modemdən uzun müddət portativ şəkildə istifadə etməyə imkan yaradır.

Fərqli internet ehtiyaclarına uyğun olaraq, abunəçilərə 20 GB, 50 GB və 100 GB olmaqla üç əsas paket təklif olunur.

İnternet həcmini artırmaq istəyən abunəçilər üçün əlavə paketlər də mövcuddur. Əsas paket aktiv olduğu müddətdə abunəçilər 5 GB, 10 GB və 15 GB həcmində əlavə internet paketlərindən yararlana bilərlər.

Mi-Fi əldə edən abunəçilərə SIM kart ödənişsiz təqdim olunur və bunun üçün əlavə ödəniş tələb edilmir. İnternet paketinin aktivləşdirilməsi Bakcell tətbiqi vasitəsilə həyata keçirilir.

Mi-Fi modem və istifadə şərtləri haqqında ətraflı məlumatı şirkətin rəsmi saytı, Müştəri Xidmətləri Mərkəzləri və dilerlərdən əldə etmək mümkündür.

Bakcell haqqında

Bakcell Azərbaycanın ilk və ən böyük özəl telekommunikasiya şirkətidir. Hazırda şirkət üç milyondan çox müştərini yüksəkkeyfiyyətli və sürətli telekommunikasiya xidmətləri ilə təmin edir. Ölkə iqtisadiyyatının qeyri-neft sektorunun ən böyük investorlarından biri olan Bakcell süni intellekt əsaslı innovativ həllərlə Azərbaycanın dayanıqlı inkişafına töhfə verir.

Bakcell müxtəlif ölkələrdə və sahələrdə fəaliyyət göstərən NEQSOL Holding beynəlxalq şirkətlər qrupunun tərkibində olan Azerconnect Group-a daxildir.