“Süni intellektin adı dəyişdirilsin” - Tramp üç variantı səsverməyə çaxardı

ABŞ Prezidenti Donald Tramp “süni intellekt” (Sİ) terminini bəyənmədiyini bildirib və üç alternativ ad təklif edib.

Publika.az xəbər verir ki, o, öz variantlarını “Truth Social” sosial şəbəkəsində səsverməyə çıxarıb.

Amerika lideri texnologiyanı “ali intellekt”, “ekstremal intellekt” və ya “fövqəladə intellekt” adlandırmağı təklif edib. Trampın fikrincə, bu variantlar sürətlə inkişaf edən texnoloji inqilabı daha yaxşı təsvir edir.

“Bu, sorğudur və mən hər kəsə səsvermədə iştirak etdiyinə görə minnətdar olardım! Sürətlə inkişaf edən bu “inqilab” üçün hansı ad daha uyğundur?” – deyə Tramp yazıb.

Hazırda “ali intellekt” adı təxminən 42 faiz səslə ən çox dəstək qazanıb.

Bundan əvvəl Tramp süni intellektin “dünyanı zəbt edəcəyi, udacağı və məhv edəcəyi”, şəhərlərdə isə insanlardan qurtulacaq robotların marş edəcəyi ehtimalını təkzib etmişdi. O qeyd etmişdi ki, süni intellektin təhlükəsindən danışan insanlar zərərlidir. ABŞ prezidentinin sözlərinə görə, onlar bu yaxınlarda “iqlim dəyişikliyi” səbəbindən qlobal kataklizmlər barədə danışırdılar və bu uydurma işləmədikdə növbəti mərhələyə keçdilər. Tramp əlavə edib ki, süni intellektin təhlükəsi ilə bağlı iddiaları onun “Rusiya ilə əlaqələri” haqqında aparılan təhqiqatdan daha absurd hesab edir.

Hüseyn İbadlı