Ekopublika.az
Nazirdən neftlə bağlı PROQNOZ: gələn ildən qiymət...
Dünya bazarında neftin ucuzlaşması uzun müddət davam etməyəcək və artıq gələn ildən etibarən neftin qiyməti yüksələrək sabitləşəcək.
Publika.az Energetika Nazirliyinə istinadən xəbər verir ki, bu barədə energetika naziri Natiq Əliyev Bakıda BP şirkətinin Azərbaycan, Gürcüstan və Türkiyə üzrə regional prezidenti Qordon Birrellə görüşdə deyib.
Görüşdə son dövrlərdə neftin qiymətinin kəskin ucuzlaşması, bu vəziyyəti şərtləndirən səbəblər və neft hasil edən ölkələrin gələcək inkişaf prioritetləri və neft layihələrində iştirak edən xarici şirkətlərin gələcək əməkdaşlıq istiqamətləri müzakirə edilib.
Q.Birrel şirkətin fəaliyyətinin hazırkı vəziyyəti və Cənub Qaz Dəhlizi layihəsinin həyata keçirilməsi istiqamətində görülən işlər barədə məlumat verərək təmsil etdiyi şirkəti maraqlandıran məqamlardan bəhs edib.
O, fevralın 29-da Bakıda keçiriləcək Cənub Qaz Dəhlizi Məşvərət Şurasının 2-ci iclasına hazırlıq və müzakirəyə çıxarılacaq məsələlərlə də maraqlanıb.
N.Əliyev isə qeyd edib ki, Cənub Qaz Dəhlizi Məşvərət Şurasının iclasına hazırlıq işləri başa çatdırılıb, layihənin iştirakçısı olan ölkələrin enerji nazirlərindən və Avropa Komissiyasının enerji məsələləri üzrə vitse-prezidentinin, Beynəlxalq Maliyyə Korporasiyasının, Avropa Yenidənqurma və İnkişaf Bankının, Azərbaycan Dövlət Neft Şirkəti, "BP-Azerbaijan", Trans-Anadolu Boru Kəməri (TANAP), Trans-Adriatik Boru Kəməri (TAP) və digər beynəlxalq qurumların rəsmi nümayəndələrinin iştirakı gözlənilir.
Görüşdə bildirilib ki, Məşvərət Şurasının bu dəfəki toplantısı ötən dövr ərzində görülmüş işləri birgə nəzərdən keçirməklə yanaşı, bütün tranzit ölkələrdə qarşılaşılan çətinliklərin müzakirəsinə və çıxış yollarının birgə axtarışına da imkan yaradacaq.
İqtisadiyyat şöbəsi
-
Nida Xəbər 21:20
Sərhədin delimitasiyası başladı: İrəvan dərhal Tehrana hesabat verdi
-
Magazin120:59
Dilarə səhnə geyimi ilə gündəm oldu - VİDEO
-
Elm və təhsil20:40
Buraxılış imtahanının nəticələri açıqlandı
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi