• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

“Fitch”dən Azərbaycanla bağlı pis PROQNOZ

“Fitch”dən Azərbaycanla bağlı pis PROQNOZ

“Fitch" beynəlxalq reytinq agentliyi post-devalvasiya dövründə Azərbaycan bank sektorunu dəyərləndirib.

Publika.az xəbər verir ki, “Fitch” dünya bazarında neftin qiymətinin kəskin azalması nəticəsində baş verən manatın devalvasiyasının Azərbaycan banklarına mənfi təsir etdiyini və onların problemli kreditlərdən yaranan zərəri təmin etməsində çətinlik çəkdiklərini qeyd edib. Agentlik bildirib ki, problemli kreditlərin həcminin daha da artacağı ehtimal olunur.

"Fitch"in ekspertləri hesab edirlər ki, bank sektoru üzrə problemli kreditlərin (90 günü keçən) məcmu kreditlərdə xüsusi çəkisi 2015-ci ilin yekununda 9,5%-ə yüksəlib. Qeyd olunur ki, 2014-ci ilin sonunda bu göstərici 8,3% olub. Agentlik 2016-cı ildə Azərbaycanda 3,3% iqtisadi geriləmə olacağını və nəticədə, bank aktivlərinin keyfiyyətinin pisləşəcəyini bildirib. Analitiklər 2015-ci ilin yekununda bank kreditlərinin 51%-ə yaxın hissəsinin xarici valyutada olması və hedc edilməməsi, problemli kreditlərin 15%-nin yenidən restrukturizasiya olunmaması səbəbindən bank sektoru üzrə aktivlərin keyfiyyətinin aşağı səviyyədə olduğunu düşünürlər.

Ümumi monitorinq zamanı Agentlik Azərbaycan banklarının kapitallaşmasının da zəiflədiyini bildirib. Bir çox kommersiya bankında kapitalın adekvatlıq əmsalı 2015-ci ildə 3-5 bənd azalıb. Kommersiya banklarının göstəricilərinin normativlərə uyğunlaşdırılması üçün Azərbaycan Mərkəzi Bankı(AMB) minimum kapital əmsalını 12%-dən 10%-ə endirib.

Azərbaycanın ən böyük bank təşkilatı olan Azərbaycan Beynəlxalq Bankı (ABB) problemli kreditlərindən 3 mlrd. manatlıq hissənin transfert edilməsi nəticəsində məcmu kapital əmsalını 12% ətrafında qoruyub saxlaya bilib. Buna baxmayaraq, "Fitch" ABB-nin daha 3 mlrd. manatdan artıq həcmdə təmin olunmayan problemli kreditlərinin olduğunu ehtimal edir. Agentlik 2016-cı ilin II rübündə Bankın kapitalına əlavə 500 mln. manat vəsaitin yatırılacağını proqnozlaşdırır.

Dekabr 2015-ci il-yanvar 2016-cı ildə əhalinin bank depozitlərinin 10-15%-nigeri götürməsi müşahidə olunub. Yaranmış maliyyə likvidliyi problemini AMB və digər dövlət təşkilatları həll etməyə çalışır.

"Fitch"dən kredit reytinqi alan Azərbaycandakı 8 kommersiya bankından 7-si "neqativ" proqnoza sahibdir. ABB, "Paşa Bank" və "Accessbank"ın maliyyə dəstəyi aldığını bildirən Agentlik, bu bankların reytinqindəki hər hansı dəyişikliyi Azərbaycanın suveren reytinqindəki dəyişikliklə əlaqələndirəcəyini bildirib.

Ümumilikdə “Fitch” Azərbaycanın bank sektorunun kapitallaşmasını zəif olaraq qiymətləndirir. Bildirilib ki, 2015-ci ildə bankların gəlirliliyi aşağı düşüb. Bundan başqa, bank sektorunun maliyyələşmə baxımından Mərkəzi Bank, o cümlədən digər dövlət müəssisələrindən asılı vəziyyətdə olduğu vurğulanıb.

İqtisadiyyat şöbəsi

Загрузка...

Xəbər lenti

DAHA ÇOX XƏBƏR