Ekopublika.az

İpoteka kreditlərindən özəl sektorda işləyənlər daha çox yararlanıb

4 Avqust 2014 12:06

İpoteka proqramının icrasına başlandığı tarixdən bu günə qədər ən çox ipoteka krediti Bakı şəhəri üzrə verilib.

Publika.Az xəbər verir ki, indiyə qədər Bakı şəhərində 10034 kredit xətti açılıb. Bu siyahıda ikinci yerdə Sumqayıt, üçüncü sırada isə Abşeron rayonu qərarlaşıb. Güzəştli kateqoriyaya aid borcalanların pay bölgüsünə gəlincə, cari ilin ikinci rübündə hərbiçilər daha çox kreditdən yararlana biliblər.

İpoteka kreditləri ilə bağlı daha bir maraqlı məqam borcalanların aylıq gəlirlərinə görə pay bölgüsüdür. Ən çox kredit 1100 manat maaş alanlara verilib. Kredit alanların arasında özəl sektorda işləyənlər dövlət sektoru ilə müqayisədə üstünlük təşkil ediblər.

İqtisadiyyat şöbəsi