Neft Şirkəti ixrac rəqəmlərini açıqladı
Bizi izləyin

Ekopublika.az

Neft Şirkəti ixrac rəqəmlərini açıqladı

ARDNŞ 2014-cü ilin oktyabr ayında Novorossiysk limanından 84 min 769 ton, Supsa limanından 250 min 220 ton, Ceyhan limanından 1 milyon 641 min 69 ton xam neft ixrac edib.

Publika.az-ın xəbərinə görə, ümümilikdə yanvar-oktyabr ayları ərzində Novorossiysk limanından 847 min 352 ton, Supsa limanından 2 milyon 533 min 506 ton, Ceyhan limanından isə 17 milyon 276 min 471 ton xam neft ixrac edilib.

Neft məhsullarının ixracına gəlincə, ARDNŞ-nin Marketinq və İqtisadi Əməliyyatlar İdarəsi 2014-cü ilin oktyabr ayında 113 min 101 ton dizel yanacağı və 19 min 966 ton təyyarə yanacağı ixrac edib. Ümumilikdə, 2014-cü ilin yanvar-oktyabr ayları ərzində 9 min 332 ton avtomobil benzini, 826 min 42 ton dizel yanacağı, 158 min 855 ton təyyarə yanacağı və 417 ton soba mazutu ixrac olunub. 2014-cü ilin oktyabr ayında dünya bazarında etilləşdirilmiş benzinin qiyməti (1 ton üçün) - 809,25 dollar, təyyarə yanacağının - 807,22 dollar, dizel yanacağının - 745,54 dollar, 1% kükürdlü mazutun qiyməti 490 dollar təşkil edib.

İqtisadiyyat şöbəsi

Oxumağa davam et
Reklam
Reklam

Gündəm