Polşa Bakıda metro tikəcək
Bizi izləyin

Ekopublika.az

Polşa Bakıda metro tikəcək

Polşanın TINES şirkəti Bakı Metropoliteninin yeni xəttinin tikintisində iştirak edəcək. Bunu Trend-ə Polşanın Azərbaycandakı səfiri Marek Tsalka deyib.

Onun sözlərinə görə, yaxın vaxtlarda şirkət və "Bakı Metropoliteni" QSC arasında anlaşma memorandumu imzalanacaq.

Bu layihədə şirkətin iştirakı haqqında danışıqlar son iki il ərzində aparılıb.

Diplomat qeyd edib ki, memorandumun imzalanması Polşa Baş nazirinin müavini, iqtisadiyyat naziri Yanuş Pexoçinskinin Azərbaycana qarşıdakı səfəri çərçivəsində gözlənilir. Nazir mayda kənd təsərrüfatı məhsulları sərgisində iştirak etmək üçün Bakıya gələcək. Polşa nümayəndə heyətinin tərkibində ölkənin bir sıra iri firmalarının nümayəndələri olacaqlar.

M.Tsalka əlavə edib ki, Polşa ixtisaslı kadrların hazırlanmasına da yardım etməyə hazırdır: "Ölkəmizdə ilk növbədə iqtisadiyyat, mühəndislik kimi ixtisaslar üzrə yüksək keyfiyyətli təhsil almaq mümkündür. Biz Azərbaycan gənclərinə belə imkan verməyə hazırıq. Şərtlər Polşa Baş nazirinin müavininin Bakıya səfəri zamanı razılaşdırıla bilər".

Oxumağa davam et
Reklam
Reklam

Gündəm