“Doğum günümdə gözlədiyim hədiyyəni qızlarımdan aldım. Çünki qızlarım qədər mənə yaxın kim var ki? Onu da deyim ki, məni təbrik edənlərin sayı-hesabı yoxdur. Yəqin ki təbriklər, hədiyyələr gecə yarısına qədər davam edəcək. Amma mənim üçün ən böyük hədiyyə hörmət və səmimiyyətlə söylənən xoş sözdür”.
Bu sözləri Publika.az-a bu gün 49 yaşını qeyd edən əməkdar artist Almaz Ələsgərli söyləyib.
Sənətçi doğum günündə yüksək əhval-ruhiyyədə olduğunu da deyib: “Mən həmişə pozitiv, enerjili və nikbin xanımam. Nadir hallarda bədbin ola bilərəm, bu da bir neçə dəqiqə çəkə bilər. Yaş üstə yaş gəldikcə nikbinliyim daha da artır. Həyatı doya-doya yaşayıram”.
Cəvahir
