Afaq Bəşirqızı həyəcanla o günü gözləyir: “Mənə elə gəlir ki, həmin gün...”
Bizi izləyin

Magazin1

Afaq Bəşirqızı həyəcanla o günü gözləyir: “Mənə elə gəlir ki, həmin gün...”

Noyabr 7-də Dövlət Musiqili Teatrında A. Bəşirqızının 60 illik yubileyi ilə bağlı növbəti tədbir keçiriləcək. Belə ki, yubilyarın özünün iştirakı ilə Əli Səmədlinin “Toya bir gün qalmış” komediyası nümayiş olunacaq.

Publika.az xəbər verir ki, yubilyar günümüzün reallıqlarını əks etdirən, gülməli olduğu qədər də kədər doğuran “Toya bir gün qalmış” tamaşasında baş qəhrəmanı – Qadın obrazını canlandırır.

“60 yaş insan ömrünün müdriklik zirvəsidir. Xüsusilə də, bütün həyatını sənətə həsr etmiş sənətkar üçün belə bir zirvədə olmaq ikiqat məsuliyyət hissi yaradır. Bu tədbir öncəsi çox həyəcanlıyam. Hesab edirəm ki, yubiley tədbirimdə xalqıma hesabat verəcəm. İştirakımla “Toya bir gün qalmış” tamaşası nümayiş olunacaq. Mənə elə gəlir ki, həmin gün ilk dəfə səhnəyə çıxacam. Bütün sənət dostlarımı, sadiq, əziz tamaşaçılarımı 7 noyabr tarixində Musiqili Teatra dəvət edirəm”, - deyə Afaq Bəşirqızı bildirib.

Qeyd edək ki, tamaşanın quruluşçu-rejissoru, əməkdar incəsənət xadimi Əsgər Əsgərov, quruluşçu-rəssamı Nabat Səmədova, rejissor assisenti Tamilla Aslanovadır. Tamaşada xor və balet truppasının artistləri ilə yanaşı, əsas rolları əməkdar artist Ələkbər Əliyev, aktyorlar Əliməmməd Novruzov, Gülcahan Salamova, Möylə Mirzəliyev, Gülnarə Əzizova, Məhərrəm Qurbanov, Ruslan Mürsəlov, Hüseyn Əlili və başqaları ifa edirlər. Gözlənilməz situasiyalarla dolu bu komediyada səslənən musiqiləri tanınmış qarmon ustası, xalq artisti Ənvər Sadıqov ifa edir. O, eyni zamanda tamaşanın musiqi rəhbəridir.

Yubiley gecəsində iştirak etmək istəyənlər biletləri şəhərin bütün kassalarından əldə edə bilərlər.

Oxumağa davam et
Reklam
Reklam

Gündəm