Magazin1

Faiq Ağayev: “Mənə irad tuta bilməzlər!”

21 Noyabr 2015 10:58

Xalq artisti Faiq Ağayev hobbisindən danışıb.

Publika.az-a açıqlamasında o, kinoya baxmaqdan zövq aldığını bildirib:

“Ən böyük hobbim kino izləməkdir. Mən kinomanam. Kinonu kinoteatrda izləməyi sevirəm. Çünki reklam olmur”.

Faiq Ağayev nəinki kinoya baxmağı sevir, elə çəkilməkdən də imtina etməz. Böyük məmnuniyyətlə yerli seriallara da çəkilər. Ancaq şərti var:

“Yerli seriallara bir şərtlə çəkilərəm. Normal rol verilsin. Epizodik rol oynamaram. Oynadığım rolun qarşılığında da normal qonorar tələb edirəm. O zaman razılaşaram”.

Bacarıb-bacarmayacağına gəlincə, müğəni deyir ki, o, əsl artistdir:

“Düşünürəm ki, istənilən obrazı canlandıra bilərəm. Çünki ixtisasca musiqili teatr aktyoruyam. Mən artistəm. Səhnədə lazım olanda rəqqas, lazım olanda aktyor, lazım olanda da rejissoram. 27 il ərzində çəkildiyim kliplərim göz önündədir. Bu işdə mənə irad tuta bilməzlər”.

İsa Şükürov