Magazin1

Kənan Röyadan ayrılmağından danışdı - AÇIQLAMA

5 Fevral 2016 10:45

Əməkdar artist Röya Ayxanın prodüseri Kənan Bayramovla yollarını ayırması barədə xəbərlər yayılıb. Buna səbəb kimi prodüserin maliyyə məsələlərində Röyanı aldatması deyilir.

Publika.az-a açıqlama verən Kənan Bayramov xəbəri təkzib edib:

“Röya ilə mənim armada heç vaxt maliyyə məsələləri ilə bağlı narazılıq ola bilməz. Mən 8 ildir ki, onunla çalışıram və bu günə qədər belə bir problemlə qarşılaşmamışıq. Bizim münasibətlərimiz puldan da daha önəmlidir. İkincisinə qalanda, əgər biz Röya ilə iş birliyinə son qoyarıqsa, bunu özümüz elan edərik. Elan etməmişiksə, deməli, yalan xəbərdir. Boş söhbətdir”.

Bəlkə, Röya ilə Kənan arasında hər hansı bir inciklik yaşanıb deyə, ayrılmaları ilə bağlı xəbərlər yayılıb…

Prodüserin cavabı belə olub:

“Ailədə əziz adamlarınla da inciklik, söz-söhbət olur. Təbii ki, iş prosesində bizim də aramızda inciklik ola bilər. Burda nə var ki?”

Cəvahir