• USD 1,7000 0,00% EUR 2,0179 -0,08%
    • GBP 2,3668 +0,16% RUB 0,0233 0,00%

Kerri və Ancelina Coli "Salamun Əleykum" dedi və... - FOTOLAR/VİDEO

  • Magazin1
  • 21 İyun 2016 11:45
  • 1 411 Baxış
Kerri və Ancelina Coli "Salamun Əleykum" dedi və...  - FOTOLAR/VİDEO

ABŞ Dövlət Katibi Con Kerri və Birləşmiş Millətlər Təşkilatının Qaçqınlar Üzrə Ali Komissarlığının xüsusi nümayəndəsi, amerikalı aktrisa Ancelina Coli “Dünya Qaçqınlar Günü” münasibətilə iftar qonaqlığında iştirak edib.

Publika.az xarici mətbuata istinadən xəbər verir ki, nitqinə "Salamun Əleykum" deyərək başlayan Kerri bütün müsəlman dünyasını müqəddəs Ramazan ayı münasibəti ilə təbrik edib. Con Kerri insanlar arasında din və ya milli mənsubiyyətə görə ayrı seçkilik salmağın doğru olmadığını deyib. Qaçqınların cəmiyyətin daxilindəki hər hansı bir qrupdan daha təhlükəli olmadığını ifadə edən Kerri bu cür halların ABŞ dəyərləri ilə uyğun gəlmədiyini deyib: “Müsəlmanlara qarşı nifrət terrorçu qrupların xeyrinə işləyir. ABŞ və İslam arasında sanki bir müharibə varmış kimi abı-hava yaratmağa çalışırlar. Halbuki müsəlmanlar heç bir ölkədə burdakı kimi azad yaşamır”.

Aktrisa isə müxtəlif dinə mənsub insanlarla birlikdə iftar süfrəsində iştirak etməkdən məmnun olduğunu bildirib. O, qaçqın sayının artdığını və bu məsələdə hər bir ölkənin daha çox məsuliyyətlə davranmalı olduğunu deyib: "İnsanlar bərabər doğulub və hər kəs bərabər hüquqlara malikdir. Bəzi insanların digərlərindən daha dəyərli olduğunu düşünmək demokratik ölkələrə yaraşmaz!”

Fərqli dinlərin nümayəndələrinin iştirak etdiyi iftar süfrəsində axşam azanını ABŞ ordusunda xidmət edən müsəlman bir əsgərin oxuması isə diqqəti çəkib.

Aytən

Halal Nemət

Xəbər lenti

DAHA ÇOX XƏBƏR