Magazin1

Tünzalə Ağayeva Fətullah Gülənin mahnısını niyə oxuyub? - Prodüseri açıqladı

12 Avqust 2016 13:52

Əməkdar artist Tünzalə Ağayevanın Fətullah Gülənin sözlərinə bəstələnmiş "Güllerin Efendisi" adlı mahnını ifa etməsi birmənalı qarşılanmayıb.

Bu məsləyə Tünzalə Ağayevanın prodüseri Yalçın Cabbarov münasibət bildirib.

O, Publika.az-a açıqlamasında Tünzalə Ağayevanın “Güllerin Efendisi" mahnısını illər əvvəl oxuduğunu qeyd edib: “Tünzalə Ağayeva "Güllerin Efendisi” mahnısını 5-6 il əvvəl bir dəfə ifa edib. O vaxt Türkiyədə siyasət başqa cür idi və fərqli yanaşma vardı. 10 il əvvəl Fətullah Gülən ilə Türkiyə prezidenti Rəcəb Tayyib Ərdoğanın çox yaxşı münasibəti var idi. İndi onların münasibəti pozulub və bu, o demək deyil ki, çox fərqli söz-söhbət yaranmalıdır. Ona görə bununla bağlı heç bir açıqlama verməyəcəyik. Hazırda Tünzalə xanım Türkiyədədir və bu məsələyə münasibəti normaldır”.